| 原來都有半年冇打過Xanga喇,感覺過得真係快 係9月中個時轉左新工,就本身做布既公司轉到去做製衣既公司 起初以為都係咁做啦,點知原來兩回事黎既,做製衣真係難好多 又要度尺,又要睇住d comments點改點改,又要諗點樣washing, washing幾耐先會做到咁既效果,有時,仲會做埋之前做布行時要做的野 但係真係學到好多野,日日都好忙好忙,而且覺得幾好玩, 而岩岩入行既我,真係乜Q都唔識,乜都做唔黎,好彩有個人不停教我,我叫佢做大佬 乜都俾我自己做,唔明就問,有時搞到有D鑊,佢又幫我頂,幫我解決 到依家,總算係應付得到D客,明白D客既要求係想點,同廠都溝通得到 諗返起初初入行個時,同D廠真係溝通唔到,次次D廠都係搵返教我大佬,從不會搵我 但係我大佬就會同D廠講唔知啵,冇跟開,你搵返阿鵬啦,佢仲清楚過我啵, 有時D廠對住我,恰我新做唔識,就要求返我點樣點樣,而大佬知道我俾人恰緊時, 次次都會拎個電話黎聽同佢地講數,又同我講下次大聲D惡過佢地就得喇 但係,佢突然要唔撈,心諗,做左半年都唔夠,仆街喇...跟緊d野點算..... 問佢點解唔撈啦,不31佢係我未入黎前就已經想唔撈, 不過老細就同佢講話叫佢帶下個新人先,覺得佢ok喇,你先走啦.... 到到依家,佢突然話唔撈,唔通佢覺得我ok,邊有咁快呀...... 所以知道左呢個消息後,搞到依家返工有好大壓力, 依家返返乜都要跟,日日d野都好似搞唔切咁,d工作一日比一日多 有時樣樣都急,就手忙腳亂,唔知係咪多壓力,搞到煙又食多左好多 日後佢真係走左,都唔知點算好喇.....唉.........好鬼擔心搞唔掂d野...... 係呢個時候,又發生左一d"小插曲",令到"擔心 + 不開心",一訓落張床, 就不停咁諗野,成日都搞到訓唔著失眠,返工有冇心機,但係又唔可以請下假 因為太多野做喇,請左日假一定仆街死,好想去下玩,散散心 因為唔開心關係,搞到成日都唔想返屋企,返到屋企又係自己一丁友 可惜朋友們個個都要返工,沒人陪到我,有時因係寧願留係公司,都唔想返屋企..... 依家黑眼圈好鬼勁,個人冇精神,仲要病病地,都唔知想點~ 呢d日子仲要過幾耐呢....就快頂唔緊喇~ 平時成日同人講我好小唔開心冇乜野會令到我唔開心 結果...一炮黎兩單,真惡搞 晚晚11,2點都係到不停望電話,可惜晚晚個電話都冇響過,每晚都失望同失望 依家真係好鬼掛住"你".....希望有日電話響會係顯示你電話啦..... |
